သတင်းများ

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ အပူပိုင်းဒေသစိမ်းလန်း စိုပြည်ရေးဦးစီးဌာန၊ ဦးစီးရုံးချုပ်နှင့် တိုင်းဒေသကြီးညွှန်ကြားရေးမှူးများ၊ ခရိုင်လက်ထောက် ညွှန်ကြားရေးမှူးများ၊ မြို့နယ်ဦးစီးအရာရှိများတို့၏ လုပ်ငန်းညှိနှိုင်းအစည်းအဝေးကို ပုသိမ်ကြီး မြို့၊ အပူပိုင်းဒေသစိမ်းလန်းစိုပြည်ရေးဦးစီးဌာန၊ ညွှန်ကြားရေးမှူးချုပ်ရုံး၊ စန္ဒကူးခန်းမ၌ ၂၀၁၈ ခုနှစ် ဖေဖော်ဝါရီလ (၁၄)ရက်နေ့ မှ (၁၆)ရက်နေ့ထိ ကျင်းပပြုလုပ်ခဲ့ပါသည်။

လုပ်ငန်းညှိနှိုင်းအစည်းအဝေးအား  ၂၀၁၈ ခုနှစ်၊ ဖေဖော်ဝါရီလ(၁၄)ရက်နေ့ နံနက် (၈:၀၀)နာရီတွင် ဖွင့်လှစ်ခဲ့ပြီး အပူပိုင်းဒေသစိမ်းလန်းစိုပြည်ရေးဦးစီးဌာန၊ ညွှန်ကြား ရေးမှူးချုပ်မှ အဖွင့်အမှာစကားပြောကြားခဲ့ပါသည်။ အစည်းအဝေးသို့ အပူပိုင်းဒေသစိမ်းလန်းစိုပြည်ရေးဦးစီး ဌာန၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်(ငြိမ်း)/ ကျွမ်းကျင်၊ ဦးစီးရုံးချုပ် ဌာနတာဝန်ခံ ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့် လက်ထောက်ညွှန်ကြားရေးမှူး၊ တိုင်းဒေသကြီးညွှန်ကြားရေးမှူးများ၊ ခရိုင်လက်ထောက် ညွှန်ကြား ရေးမှူးများနှင့် မြို့နယ်ဦးစီးအရာရှိများ စုစုပေါင်း (၈၅)ဦး တက်ရောက်ခဲ့ပါသည်။

သုံးရက်ကြာကျင်းပခဲ့သည့် လုပ်ငန်းညှိနှိုင်းအစည်းအဝေးတွင် အပူပိုင်းဒေသစိမ်းလန်း စိုပြည်ရေးဦးစီးဌာန၏ ၂၀၁၇-၂၀၁၈ ဘဏ္ဍာနှစ် စ.ထ.ထ.ရ လုပ်ငန်းများဆောင်ရွက်ပြီးစီးမှုအခြေ အနေများ၊  ၂၀၁၈-၂၀၁၉ ဘဏ္ဍာနှစ် စ.ထ.ထ.ရ လုပ်ငန်းစဉ်များအား ပိုမိုထိရောက်အောင်မြင်စွာ ဆောင်ရွက်နိုင်ရေး ညှိနှိုင်းဆွေးနွေးခြင်းများ ပြုခဲ့ပြီး၊ လုပ်ငန်းညှိနှိုင်း အစည်းအဝေးအား ၂၀၁၈ ခုနှစ် ဖေဖော်ဝါရီလ (၁၆)ရက်နေ့ ညနေ (၂၀:၃၀)နာရီ အချိန်တွင် ရုတ်သိမ်းခဲ့ပါသည်။